Lain Padang Lain Belalang, Lain orang Lain menarik kesimpulan.

[ Bak posko rumpi, Rumoh Ti Neh ]

Kak Ramlah : Jehai ka kaloen si Halimah, ditelepon le Bang Din siat ka teukhem mameh keudeh. Hanjeut jioh meu sijarak ngen cut adek. Padahay rumoh lingkeu pageu sagay.

Halimah : Alhamdulillah kak Ramlah, lawet nyoe ka leu meu ubah Yah Aneuk Mit. Ka perhatian. 

.

Kak Ramlah : Peu jeut? Droe kuh ka meublah-blah thoen hana meu ubah-ubah pih. Ci bagi resep dile.

Halimah : Hehe. Gara-gara lon cerita tentang Bang Jol yang abeh umu inoeng nyan.

Kak Ramlah : Bang Jol adek si Lim sampeng Meunasah?

Halimah : Oe hay, jih keun ban padup buleun abeh umu inoeng. Aneuk jih manyak-manyak mentoeng. Sayang that ta kaloen. Ji peurayeuk aneuk sidroe jinoe. Lon peugah bak Yah aneuk mit

"Sayang Bang keun ta kaloen Bang Jol, aneuk manyak that mentong Mak ka hana le. Padahal inoeng jih get that akay.. Pakeun le ureung get akay bagah that geu cok pulang... Oh ka meunoe pasti menyesal  si Joel barokon hana that geu hargai but Peurumoh, Hana that geu sayang Peurumoh. Jinoe oh aneuk di mo, jih-jih teu mo, teu ingat inoeng.

Menyoe droen meunan kiban bang? Miseu lon hana le... Si Rausan ngen si Raihan hana le Mak jih...."

Oh ku peugah meunan Kak keun, teu im keudeh Ban Din trep siat.

Leuh nyan geu um lon, lake meuah... Ban leuh nyan keuh ka padup uroe nyoe lon kaloen na keuh meu ubah bacut.

Kak Ramlah : O that bereh, enteuk akak praktek dirumoh beuh.

Halimah : Bereh kak! Selamat mencoba

[Di Rumoh Apa Maun ]

Kak Ramlah : Hai bang, sayang ta kaloen si Jol jinoe bang keun?

Apa Maun : Pakoen?

Kak Ramlah : "Sayang Bang keun ta kaloen Bang Jol, aneuk manyak that mentong Mak ka Hana le. Padahal inoeng jih get that akay.. Pakeun le ureung get akay bagah that geu cok pulang... Oh ka meunoe pasti menyesal  si Joel barokon hana that geu hargai but Peurumoh, Hana that geu sayang Peurumoh. Jinoe oh aneuk di mo, jih-jih teu mo, teu ingat inoeng.

Menyoe droen meunan kiban bang? Miseu lon hana le... Si Siti ngen si Rahmat hana le Mak jih...."(Geu kopi-paste narit Halimah mentah-mentah, Nak teumee um lage jih cit).

Apa Maun : .......?

(Apa Maun geu im mentong, hana respon sapeu lage lam cerita versi Halimah)

.

Kak Ramlah : Nyoe lon hana le kiban bang? Na seudeh droen? 

(Geu ulang lom narit, that hawa geu kaloen respon Apa Maun)

Apa Maun : oh Hana le droen baro enteuk ta pike Dek... Hanjeut tanyoe weh-weuh nibak gareh Tuhan... 

Kak Ramlah : Neupike laju ino nah. kiban nyoe lon hana le? Nasib droen lage si Jol?! (Ka mulai Hana saba geuh)

 

Apa Maun : Hana perle pike meukarat that hai Dek Ramlah hai....

.

Kak Ramlah : Kiban hana meukarat, umu hana so tepeu!?

Apa Maun:  Keun  buno droen yang peu phon narit "Pakeun ureung get akay bagah that geu cok pulang?"

Kak Ramlah : Maksud jih?

Apa Maun : Jadi hana perle gundah droen neuh. Nyoe patokan umu bak akay, sang droen na umu 100 thoen teuk!

(Leuh nyan geu um teuk le Apa Maun, geu gusuk-gusuk rhueng Peurumoh sira dok geu khem)

Kak Ramlah : 😭