Geulayang Putoeh

Apa Maun : Beuh peu dari bunoe leuh meugreb dalee keumit Hape! Adak neu keumit Tulo di blang na cit meu laba. Nyoe, ka pulsa abeh ban siat,  bu malam hana meupat!🙄

Kak Ramlah : Tengoh baca ureung putoh geulayang hai Bang siat..😬

Apa Maun : Putoh layang pih jeut ke berita. Di Aceh putoh ie, putoh listrik. Pakoen hana meunan khusyuk baca berita?🤔

Kak Ramlah : Koen putoh layang betoy-betoy nah Bang! Awak Inoeng ditinggay le lakoe, aneuk 4 droe manyak mentoeng. Tega that si gam bakoeng nyan. Yang pah cit ta peusunat sigoe teuk sampe abeh. 😤

Apa Maun : Peu jeut beungeh that le 😱

Kak Ramlah : Kiban han beungeh, Inoeng dari udep susah ditem setia keu lakoe, oh kaya cit ka amnesia. Jak mita yang leubeh lagak, leubeh tari lah. Le that kejadian menoe.

Han pengusaha, pejabat, menyoe ka kaya bacut nah cit kana saja. Sang-sang syarat sah kaya adalah beristri dua.

Makajih bang, loen hantoem ku meudoa droen kaya. Adak pas-pasan pih hana masalah, yang penteng droen setia. 

Et no, ka meuphoem bang?😕

Apa Maun : Meuphoem....😶

Kak Ramlah : Peu yang meuphoem? 🤔

Apa Maun : Akhee jih loen meuphoem uroe nyoe; pakoen  ka hek ku kerja cula-calo tapi   han ditem kaya-kaya.. 😧