Nyan Keuh Nyan Manusia

Bak saboh seupoet, Kak Ramlah ka teu duk mameh diteraih, geu preh linto wo u rumoh puwo Mie Aceh.

Kak Ramlah : Jeh, Pat cit Mie Reuboh yang loen yu bloe bunoe?

Apa Maun : Astaghfirullah..! Tuwoe loen Dek. Kiban cit? Jeh ka rintek ujeun, han mungken ta balek le. Lon pih gohloem seumayang Asha.

Kak Ramlah : Droen cit meunan, cit hana sayang ke peurumoh. Sigoe-goe gop hawa, hana geu bloe! Kiban ureung, bek neu bloe le! ka gadoh hawa teuh.

(Jadeh beugeh di kak Ramlah, geu tamoeng u kama masam keudeh muka. Walau hana mangat cit hatee geu tamoeng laju Apa Maun lam kama jak seumayang. Pura-pura hana masalah sapeu. Deuh teuk bajee ateuh pratah meubura, gohlom teulipat )

Apa Maun : Pakoen menoe kama meubura leuh, ija meupunyoe, ureung lam kama muka-muka pih  meupunyoe.

Kak Ramlah : Nyan keuh nyan manusia.. Yang deuh cit yang broek sagay. Jeh abee kaleuh ta roen, jubeen kaleuh ta pel, ija kuto ka abeh ta rah, bu ka rapi di miyup tutop raga, tan geu kaloen. Yang deuh cit kama meu bura. Nyan keuh nyaaaaaaaan manusia...!

(Di ek spaning kak Ramlah, ka mie reboh hana teumee, kenoeng komplain lom hana peugleh kama)

Apa Maun : Man hana tuoh manusia keuh dari barokoen?? Nyan keuh nyan manusia hai Dek; yang deuh cit yang broek sagay, yang get cit meu tan deuh kiraju.

Lagee satnyoe, na yang tuwo bloe Mie Reuboh sigoe ka geupeupegah hana sayang ke peurumoh.
Ka meu thoen-thoen ta puwoe es krem, bakso, ayam penyet, ayam geprek, mie pangsit, kebab, hana meuteuingat pih manusia nyan.
Nyaaaaaan keuh meunan Dek... Nyaaaaaan keuh nyaaaaannn Manusia....
Cit hek Dek menyoe ta meukawen ngeun Manusia.
Untoeng cit loen meukawen ngeun Putri Duyung, Droen pih untoeng neu meukawen ngeun AquaMan.

Jeh Dek kulam Engkoet Bacee mentoeng na likoet rumoh. Hana ta jak lop keudeh? Kadang tembus u Atlantis 😏